तेज रफ्तार स्कॉर्पियो ह लिस युवक के जान, गुस्साए मनखे मन करिन ड्राईवर के पिटई

खुशबू सोनी@ जय जोहार. बिलासपुर सहर म बीते संझा अरपा नदिया के तीर रिवरव्यू करा एक ठन बड़े हादसा हो गिस । सड़क तीर खड़े एक युवक ल तेज रफ्तार स्कार्पियो ह ठोकर मार दिस।

ये हादसा ओ बेरा होइस जब सरकंडा लोधीपारा के रहइय्या दिलहरण कौशिक सड़क तीर रेलिंग कना खड़े रहिस। तभे तेज रफ्तार स्कॉर्पियो कार आइस अउ युवक ल ठोकर मारत रेलिंग म जा फंसिस उहें घायल युवक ल तुरते उपचार बर सिम्स म भर्ती करवाए गिस..जिहां इलाज के दउरान ओखर मउत हो गिस

जानकारी के अनुसार कार चालक लपरवाही पूर्वक बाहन चलात रहिस..जेकर सेती ये हादसा होइस..उहें गुस्साए मनखे मन ह ड्राइवर के पिटई कर दिन…अउ आरोपी कार चालक ल पुलिस के हवाला करिन।