मुख्यमंत्री निवास म कड़ा सुरक्षा व्यवस्था के बीच देखत देखत युवक ह लगा लिस आगी लेकिन बाच गे जान

जय जोहार रायपुर… प्रदेश के मुख्यमंत्री के निवास के बाहिर म सुरक्षा म तैनात जवान मन के उपस्थिति म धमतरी के एक युवक ह अपन ऊपर पेट्रोल डाल के आगी लगा लिस, घटना के बाद निवास के बाहर अफरा तफरी के माहौल बन गे अऊ सुरक्षा कर्मी मन ओला बचाय बर लपकिन लेकिन तब तक युवक साठ प्रतिशत जल गे रिहिस ,

बता दन कि युवक के नाम हरदेव हे अऊ वो ह पिछले कई दिन से फिल्म के कहानी लिखत रिहिस जेखर बर आर्थिक मदद ले बर वो ह धमतरी ले मुख्यमंत्री निवास आय रिहिस, लेकिन ओला सीएम ले मिले ल नई मिलिस तेखरे पाय वो ह ये कदम उठाईस , अभी मुख्यमंत्री निवास अऊ ओखर आसपास के इलाका कन्टेन्टमेंट जोन होगे हे अऊ कोनो ल आय जाय ल नई दे जात हे .