ताजा समाचारब्रेकिंग न्यूज

अब कांग्रेस के ध्यान राजनांदगांव म

कार्यकर्ता मन के संग पुनिया करही चुनावी प्लानिंग

रायपुर। सीएम रमन सिंह के विधानसभा क्षेत्र, राजनांदगांव ऐ दिन म छत्तीसगढ़ के सियासत के केन्द्र बन गे हे। क्षेत्र ले चुनाव लड़ने के घोषणा कर चुके जनता कांग्रेस सुप्रीमो अजीत जोगी ह 11 फरवरी के इहां सभा करके सीएम ल ललकारा हे। अब कांग्रेस प्रदेश प्रभारी पीएल पुनिया इहां आके सियासी रणनीति तैयार करही।
छत्तीसगढ़ कांग्रेस के प्रदेश प्रभारी अउ कांग्रेस के राष्ट्रीय महासचिव पीएल पुनिया 15 फरवरी के राजनांदगांव पहुंच ही। चुनाव म आगे के रणनीति तैयार करने बर क्षेत्र के कार्यकर्ता अउ पदाधिकारी मन के संग वो ह बैइठक करही। पुनिया 15 फरवरी, गुरुवार के सुबह 08.05 बजे बैकुंठपुर ले रायपुर पहुंच ही। अउ सुबह 09.30 बजे रायपुर सर्किट हाउस म राजनांदगांव जिला के कांग्रेस के कार्यकर्ता , पदाधिकारी अउ जनप्रतिनिधि मन के संग बैइठक कर के निर्देश देही। एखर बाद सुबह 11.00 बजे रायपुर ले भखारा कुरूद विधानसभा जिला धमतरी बर रवाना हो जाही।
कार्यकर्ता मन ले मिलही पुनिया
अजीत जोगी द्वारा राजनांदगांव ले चुनाव लड़ने के घोषणा के बाद जोगी कांग्रेस के गतिविधि ह क्षेत्र म बढ़ गे हे। 11 फरवरी के अजीत जोगी ह इहां खुला सभा ल संबोधित करिस। । जोगी के क्षेत्र म लोकप्रियता बढ़े के डर म कांग्रेस सतर्क हो गे हे। लिहाजा सीट के चुनाव ल लेकर रणनीति तैयार करे बर पुनिया इहां कार्यकर्ता मन ले मलत हे।

Related Articles

Leave a Reply

Your email address will not be published. Required fields are marked *

Close