ताजा समाचारब्रेकिंग न्यूज

राजनांदगांव रेल्वे स्टेशन के विकास बर 50 करोड़ मंजूर 

प्रधानमंत्री अउ रेल मंत्री धन्यवाद दिस मुख्यमंत्री ह

रायपुर । मुख्यमंत्री डॉ. रमन सिंह के पहल म वर्ष 2018-19 के रेल बजट म राजनांदगांव रेल्वे स्टेशन अउ  डोंगरगढ़ रेल्वे स्टेशन के विकास अउ नागपुर-चिरमिरी हाल्ट 11 किलोमीटर रेल लाईन के मंजूरी मिले हे। मुख्यमंत्री ह ऐखर बर प्रधानमंत्री नरेन्द्र मोदी अउ  रेल मंत्री पीयूष गोयल ल धन्यवाद दिस हे।  डॉ. सिंह ले निवास कार्यालय म  दक्षिण पूर्व मध्य रेल्वे के महाप्रबंधक एस.एस. सोईन ह  मुलाकात करिस। वो ह मुख्यमंत्री ल  रेल बजट म छत्तीसगढ़ बर स्वीकृत परियोजना के बारे म  जानकारी दिस। सोईन ह मुख्यमंत्री ल बताइस कि राजनांदगांव रेल्वे स्टेशन के दक्षिण छोर म सीधा प्रवेश के सुविधा नइ रिहिस हे। अब सीधा प्रवेश  के सुविधा विकसित करे जाही। स्टेशन के गुडस शेड ल दूसरे स्थान म ले जाए जाही अउ प्लेटफार्म ल भी ऊंचा करे जाही।  ए कार्य बर रेल बजट म  राजनांदगांव बर पचास  करोड़ रूपिया के राशि स्वीकृत करे गेहे।  दक्षिण पूर्व मध्य रेल्वे ह ए काम ल कराही। डोंगरगढ़ रेल्वे स्टेशन म सुविधा के विस्तार बर 11 करोड़ रूपए मंजूर कर गेहे। मुख्यमंत्री ले सोईन के मुलाकात के बखत राजनांदगांव के सांसद  अभिषेक सिंह, राज्य सरकार के सचिव वाणिज्य एवं उद्योग सुबोध सिंह अउ मुख्यमंत्री के ओएसडी विक्रम सिसोदिया  ह मौजूद रिहिस हे।

Related Articles

Leave a Reply

Your email address will not be published. Required fields are marked *

Close