ताजा समाचार

पंडवानी के पुरोधा तीजनबाई के सेहत म सुधार

कोनो दिक्कत मत होय कहिके आइसीयू म हवय

भिलाई। पंडवानी के पुरोधा पद्मभूषण तीजन बाई के सेहत अब ठीक हे। छाती म दर्द के शिकायत म शनिवार के उमन ल भिलाई स्टील प्लांट(बीएसपी) के सेक्टर 9 अस्पताल म भर्ती कराय गिस हे।
तीजनबाई ले रविवार के मिलअइया बीएसपी के सीईओ एम. रवि, मेडिकल डायरेक्टर इंचार्ज डॉ. केएल ठाकुर आइसीयू पहुंचिन।
डॉ. केएल ठाकुर बताइस कि तीजन बाई के सेहत म सुधार हे। आघू कोनो दिक्कत न हो, येकर बर आइसीयू म रखे गेहे। सोमवार के बिहनियां तीजनबाई ल आइसीयू ले बाहर निकाले गिस। कुछु देर तक वो ह बाहर रहिसि हे अउ लोगन मन ले मिले के बाद दुबारा आइसीयू म रखे गेहे।
रविवार दुपहर म सोशल मीडिया म तीजनबाई के सेहत ल लेके लेकर नकारात्मक खबर वायरल करे गिस । येकर ले तीजन बाई के चाहइया मन मायूसी छा गिस । चंद मिनट म ही तीजनबाई के सेहत ल लेके अस्पताल प्रबंधन ह खबर ल बेबुनियाद बतात हुए सेहत के सही स्थिति बताइस।

Related Articles

Leave a Reply

Your email address will not be published. Required fields are marked *

Close