ताजा समाचार

नर्सिंग स्टाफ के दावा अस्पताल के बेवस्था चरमरा गेहे

अपन मांग मन ल लेके आवाज बुलंद करत हे राजधानी म

रायपुर ।अपन 6 सूत्रीय मांग ल लेके छत्तीसगढ़ परिचारिका कर्मचारी कल्याण संघ ह अनिश्चितकालीन हडताल के दूसर दिन सरकार के खिलाफ जमके नारेबाजी करिन। हजारों के संख्या म प्रदेश भर ले पहुंचे नर्सिंग स्टाफ ह अपन मांग मन ल लेके आवाज बुलंद करत हे।
नर्स मन के मांग हे कि उमन ल 46 सौ ग्रेड पे के मुताबिक वेतन दिया जाय, नर्सिंग आफिसर के दरजा के संगे संग अन्य कई ठन मांग हे जेला पूरा करे जाय। संघ के पदाधिकारी मन ह बताइन कि उमन के मांग मन म अब तक कोनो विचार नइ करे गेहे। अउ ना कोनो सम्बंधित अधिकारी उंखर ले इहाँ चरता करे बर आए हे। संघ के दावा हे कि उंखर समर्थन म प्रदेश भर के नर्स राजधानी रायपुर पहुँत हवय। जेखर ले स्वास्थ्य बेवस्था के बुरा हाल हे।

Related Articles

Leave a Reply

Your email address will not be published. Required fields are marked *

Close