ताजा समाचार

ट्रक के चपेट म आय ले नर्सिंग छात्रा के दरदनाक मउत

डीपीएस स्कूल ले महज 100 मीटर के दूरी म होइस हादसा

भिलाई। स्कूटी ले लिफ्ट मांग के घर जावत नर्सिंग के छात्रा मंगलवार बिहनिया रिहाइशी इलाका म दरदनाक सड़क हादसा के शिकार हो गिस। आजाद मारकेट चउक रिसाली ककोती ले आवत बेकाबू ट्रक ह स्कूटी सवार नर्सिंग छात्रा ल अपन जद म ले लिस। जेखर सेती मउवका म ही छात्रा के दरदनाक मउत होगे। उहे स्कूटी चलाइया दूसर छात्रा सड़क हादसा म बाल-बाल बचगे।
घटना ह डीपीएस स्कूल रिसाली ले महज 100 मीटर के दूरी म होइस हे। मउवका म पहुंचे नेवई थाना टीआई विनय सिंह ह बताइस के दूनों स्कूटी सवार छात्रा मन कोचिंग ले घर लउटत रहिन हे। इहीं दउरान ट्रक के चपेट म आ गे। ट्रक के जद म आय ले मृतिका के चेहरा ह बुरी तरह ले कुचल गे हे। पुलिस ह फिलहाल ट्रक ल अपन कब्जा म कर लिस हे।

Related Articles

Leave a Reply

Your email address will not be published. Required fields are marked *

Close