रायपुर। वर्ष 2018 म होवइय छत्तीसगढ़ विधानसभा के चुनाव ल ले के एक बार अउ राज्य के सियासत गरमा गे गे। कांग्रेस अउ बीजेपी के बीच कड़ुवा बोली बात के दउर घलो शुरू हो गे हे। ऐखरे संग कांग्रेस के आदिवासी नेता कवासी लखमा ह प्रदेश के सीएम रमन सिंह उपर विवादित बोली बोलिस। एक कार्यक्रम म बोलत हुए कवासी लखमा ह कहिन कि जब ले हमार पुनिया साहेब आए हे , तब ल रमन सिंह के नींद ह उड़ गेहे। वो ह रात म एक-एक पैग मारथे। रमन सिंह ल जरूर नींद नइ अवत हो ही।
बतादन कि विधानसभा चुनाव ल देखत हुए कांग्रेस ह पीएल पुनिया ल राज्य प्रभार ल सौंपे हे। पुनिया के राज्य प्रभार के कार्यभार संभाले के बाद ले कांग्रेस ल उम्मीद हवय कि वो ह ऐ चुनाव म बढ़इया प्रदर्शन करही। गौरतलब हवय कि कवासी ह वर्ष 2008 म कोटा विधानसभा सीट ले विधायक बनिस हे। कवासी के नाम सुर्खियों म वर्ष 2013 म आइस हे, जब प्रदेश म कई नक्सली हमला होइस हे।
इही बरस म बस्तर जिला के घना जंगल म कांग्रेसी नेता मन के एक काफिला उपर भारी हथियार ले लैस नक्सली मन ह घातक हमला करिस । जेमा वरिष्ठ कांग्रेसी पूर्व केंद्रीय मंत्री वीसी शुक्ला अउ नेता महेंद्र कर्मा समेत कम से कम 17 लोग मन के मौत हो गे। ऐखर संग ही हमला म 19 अन्य लोग मन घायल हो गे रिहस हे। दरभा घाटी म हुए नक्सली हमला म जिहां कांग्रेस के सब्बों नेता मन ल मार दे गिस रिहस हे, वहीं लखमा ल सुरक्षित छोड़ दे गे रिहिस हे। जेखर बाद कांग्रेस ह ओखर उपर शक करे रिहिस हे। हालांकि बखत के संग वो ह पार्टी म खास जगह बनाइस अउ विधायक बन गिस।
