बेरोजगार मन ल मिलिस बेरोजगारी भत्ता के दूसर किस्त, 1 लाख 5 हजार 395 युवा होईस लाभान्वित

जय जोहार…छत्तीसगढ़ के मुख्यमंत्री भूपेश बघेल ह आज 1,05,395 पंजीकृत युवा बेरोजगारो मन ल बेरोजगारी भत्ता के दूसर किस्त के अंतरण करिस। ये मौका म मुख्यमंत्री ह 32 करोड़ 33 लाख 25 हजार रुपया के राशि के ऑनलाइन ट्रांसफर करिस। मिले जानकारी के अनुसार पिछला महीना म बेरोजगारी भत्ताके पहिली किस्त के रूप म 65,185 युवा मन ल16 करोड़ 54 लाख 62 हजार 500 रुपया के राशि अंतरित करे गे रिहिस। ये बार मिले वाला बेरोजगारी भत्ता के ये दूसर किस्त हावे, मुख्यमंत्री ह ये मौका म खुशी जाहिर करत किहिस कि बेरोजगारों मन ल रोजगार के कार्य ले जुड़न चाही, मुख्यमंत्री के संग उच्च शिक्षा मंत्री उमेश पटेल, स्कूल शिक्षा मंत्री प्रेमसाय सिंह टेकाम अऊ सचिव आलोक शुक्ला समेत अधिकारी गण घलोक उपस्थित रिहिन।