वर्मी कम्पोस्ट के बिक्री ले समूह के महिला मन ल 2 लाख 60 हजार रूपया के होगे आमदनी
जय जोहार…एक नवा उत्साह अउ नवा ऊर्जा ले महिला मन के हौसला ल पंख मिल गे हे, रूरल इंडस्ट्रियल पार्क ले। शासन के रीपा योजना ग्रामीण क्षेत्र म समूह के महिला अऊ उद्यमी मन के चेहरा म विकास के उजास लावत हे। लघु उद्यम ल बढ़ावा दे के ये सार्थक पहल प्रभावी साबित होवत हे। डोंगरगढ़ विकासखंड के ग्राम कलकसा के रीपा गौठान म बेहतरीन अधोसंरचना के निर्माणकरे जात हे। हर्बल सॉफ्ट ड्रिंक यूनिट, कारपेंटर यूनिट, फ्रूट आईसक्रीम यूनिट, नमकीन उद्योग, गोबर पेंट निर्माण, अगरबत्ती निर्माण अऊ सिलाई यूनिट बर वर्कशेड बनाए गे हे।
इहां जिला प्रशासन के मार्गदर्शन म रीपा के कार्य ह तेज गति से आकार ले हे। सखी समूह के महिला मन जूस अऊ आईसक्रीम निर्माण के कार्य प्रारंभ करे हे। बेल, अमारी अऊ आम के खास जायकेदार शरबत के संग दूध-मलाई के आईसक्रीम अऊ तेन्दू के आईसक्रीम के स्थानीय स्तर म डिमांड हावे। तेन्दू के आईसक्रीम नवाचार करत हुए बनाये गे हे, जेखर स्वाद खास हे। श्रीमती उषा नेताम ह बताइस कि गर्मी के मौसम ल ध्यान म रखत हुए ये कार्य प्रारंभ करे गे हे। जेखर ले लगभग 17 हजार के आमदनी होय हे। खट्टा अमारी भाजी के शरबत बनायके लिए प्रशिक्षण दे गे हे। ये भाजी ग्रामीण क्षेत्र म सहज उपलब्ध हे। स्थानीय स्तर म उपलब्ध भाजी अऊ तेन्दू के संग अन्य सामग्री ले प्रोडक्ट बनाए जात हे।
समूह की महिला मन के द्वारा मिक्चर-नमकीन निर्माण करे के मशीन के सेटअप लगाय गे हे। जय मां दुर्गा स्वसहायता समूह के 10 महिला मन मिल के नमकीन निर्माण के कार्य करत हें, जेमा ड्रायर मशीन, मिक्चर निकाले अऊ तेल छाने के मशीन 6 लाख 32 हजार रूपया के लागत ले लगाये गे हे। आमीन माता स्वसहायता समूह के गुनी बाई ह बताइस कि गोधन न्याय योजना के अंतर्गत इहां गौठान म 2359.38 क्विंटल गोबर के खरीदी करे गे हे। जेमा किसान अऊ पशुपालक मन ल 4 लाख 71 हजार रूपया के फायदा होईस हे। ओमन बताइस कि वर्मी कम्पोस्ट के बिक्री ले ओमन ल 2 लाख 60 हजार रूपया के आमदनी होईस हे
