अगर आप मन … त 20 रू. वसूल कर लिही नगर निगम

रायपुर। सहर म अब आप खाली जगा देख के मूत्र त्याग घलो नइ कर सकव। सुने म थोड़किन अजीब जरूर लगत हे लेकिन खुला म सौच के मुहिम अउ स्वच्छता  ल लेके चलत अभियान के बाद अब सहर म कोनो खाली जगह देख के मूत्र त्याग करत पाए जात हे …त एखर बर जुर्माना देना होही। ए मामला ल लेके इन दिन म  सोसल मीडिया म वायरल होवत एक पर्ची लोगन ल खूब गुदगुदावत हे।

दरअसल रायपुर म खुला म सौच  अउ  पेशाब ल लेके कुछ अलग करे के कोसिस करे गेहे। एमा यदि कहीं कोनो मउका देख के खुला म पेसाब करत देख लिस त  ओला  20रु के जुर्माना देना होही।  एखर सुरुवात रायपुर म्युनिसिपल कारपोरेशन  कर दे हे।   खुले सौच- पेसाब करे ले रोके बर  ए तरह के जुर्माने के करवाई कर एक तरह ले जागरूक करे के  पहल हे।

रायपुर म ए तरह ले चलत अभियान ल लेके जिहां एक तरफ एला एक अच्छा पहल बताए जात हे। त दूसर तरफ  आलोचना घलोक होवत हे।  कुछु एला सही बतावत हे त कुछु एला गलत कहत हे। अब ए सोच अपन अपन के हे कउन  बात ल कइसे  लेए जाए।