रायपुर। राजधानी म रविवार के तेज धूप के बाद मौसम ह अचानक करवट बदल दिस। शाम के राजधानी समेत अन्य जगह म तेज आंधी तूफान ले जनजीवन अस्त-व्यस्त होगे। मौसम म होए ए बदलाव के वजह ले लोगमन ल अब्बड़ दिक्कत के सामना करे बर पड़िस। ए बेरा म पूरा शहर म धूल भरे आंधी उठे के बाद मामूली बारिश भी होइस। एखरे कारण राजधानी के कई इलाका म बिजली बंद रहिस हे। अउ लोगन मन ल परेशानी उठाए बर पड़िस हे। फरवरी माह म मौसम म आए ए तरह के बदलाव ले लोगन मन हैरान हवय। सोमवार के मौसम साफ रहिस हे अउ हल्का ठंड पड़िस हे।
