दर्दनाक हादसा के देखव लाईव विडियो: बारात म नाचत-गावत 22 मनखे बर काल बनके अईस बेकाबु स्कार्पियो
जय जोहार. डीजे के धुन म नाचत-गावत बाराती मन बर एक स्कार्पियो ह काल बनके आ गे। बेकाबु स्कार्पियो ह 22 मनखे ल रौंद दिस। दरअसल एक बिहाव समारोह म बारात निकले रिहिस। ऐ घटना म 10 मनखे गंभीर रूप घायल बताए जात हे। मामला डभरा थाना के हरे। ऐ घटना के बाद ले डर के मारे दूल्हा फरार हो गे। देखव ऐ घटना के लाईव विडियो….
जाँजगीर-चाम्पा जिला के डभरा थाना क्षेत्र के ग्राम चुरतेला के रहवईया राधेलाल चन्द्रा के सुपुत्र मिलन चन्द्रा के मंडप के काली पहिली दिन रिहिस। चन्द्रा समाज की प्रथा हे कि चुलमाटी ले बर दूल्हा घलो सज-संवर के चुरमाटी लेबर जाथे। घटना के दिन गाड़ी म दूल्हा घलो बईठे रिहिस। उही गाड़ी के आगू गांव वाला अऊ बाहर ले आए ओखर संगवारी व अन्य रिश्तेदार नाचत-गावत जात रिहिस। तभे ड्राइवर के लापरवाही ले अचानक गाड़ी तेजी ले बढ़ गे अऊ भीड़ में जा घुसिस। ऐखर चपेट म 22 मनखे आ गे। घटना के बाद लोगन मन में अफरा-तफरी मच गे। तुरंत डभरा थाना ल ऐ घटना से सूचना दे गिस। जेखर बाद थाना प्रभारी अजय शंकर त्रिपाठी ह अपन टीम के संग पहुंचिस। तत्काल घायल मन ल निजी वाहन से सामुदायिक स्वास्थ्य केंद्र डभरा भेजे गिस। उहां इलाज के दौरान डॉक्टर मन 9 लोगन ल गंभीर बतात रायगढ़ जिला अस्पताल रेफर कर दिस। बाकी बचे 13 मनखे के इलाज डभरा के सामुदायिक स्वास्थ्य केंद्र में जारी हे।
देखव ऐ घटना के लाईव विडियो….
