अत्याधुनिक हथियार मन ले माओवादी मन ह करिन जवान उपर हमला

जगदलपुर। दरभा थाना क्षेत्र के अंतरगत सर्चिग म निकले सुरक्षाबल अउ नक्सली मन के बीच मुठभेड़ होइस हे। ए मुठभेड़ म कोनो के हताहत होय के खबर नइए।  जवान मन ल सूचना मिलीस के  नक्सली गांव म ग्रामीन मन के संग बइठक करत हे।

बइठक के सूचना मिलत ही जवान गांव के ओर निकल गन। तभे भड़रीमऊ के जंगल म नक्सली मन ह जवान मन उपर फायरिंग करे लगिस।  जेखर बाद जवान घलो जवाबी कार्यवाही करिन, लेकिन नक्सली मउका ले फरार हो गिन।

मुठभेड़ के बाद जंगल म सर्चिग ऑपरेसन चलाय गिस। जिहां मउका म नक्सली मन के दैनिक उपयोगी सामान अउ भारी मात्रा म विस्फोटक बरामद होइस। ए घटना के बाद कांगेर वैली एरिया कमेटी के सक्रिय नक्सली कमलु लक्ष्मण , पाण्डु, अउ हीड़मे के ख़ेलाफ़ नामज़द  कर के मामला दरज करे लेय गिस।

–