चलत ट्रेन म चढ़े के कोसिस……कंबल  ह मउत के मुंह म पहुंचा दिस

बिलासपुर। सोमवार के बिहनिया जोनल स्टेसन म ट्रेन के चपेट म आ जाए ले एक व्यक्ति के दरदनाक मउत हो गिस। यात्री कंबल ओढ़े रहिस  हे अउ  ट्रेन के पहिया म कंबल फंसे के वजह ले वो ह ओखर संग ही नीच गिर पड़िस अउ ट्रेन के चपेट म आ गिस।

ए घटना  बिहनिया करीब साढ़े आठ बजे घटिस। उदयपुर-शालिमार एक्सप्रेस प्लेटफार्म म पहुंचिस। अउ कुछु देर रूके के बाज ट्रेन जइसे ही छूटे लगिस, त कंबल ओढ़े हुए ए व्यक्ति ह ट्रेन म चढ़े के कोसिस करे लगिस। इहीं दउरान उंखर कंबल ट्रेन के पहिया म फंस गस अउ वो घोलक ओखर संग खिंचावत हुए प्लेटफार्म ले नीचे गिर गस।

 ट्रेन गुजरे के बाद लोग ट्रैक के ओर दउड़िस। ए दउरान व्यक्ति के मउत हो चुके रहिस हे। जीआरपी ह ट्रैक ले शव ल हटाके पंचनामा म कर अस्पताल भेजिस।  मृतक के पहिचान अभु नइ हो पाइस हे।