रायपुर। छत्तीसगढ़ अब आबादी अउ पट्टाधारी जमीन के रजिस्ट्री होही। अभी तक देखे जात रहिस हे के आबादी जमीन के रजिस्ट्री नइ होय ले लोग परेसान रहिन हे। अउ उंखर मालिकाना हक लोगन ल नइ मिलत रहिस हे। लेकिन अब सासन ह निरदेस जारी कर पट्टाधारी मन के जमीन के रजिस्ट्री करे बर कहे हे।
बता दन के सत्ता परिवर्तन होत ही गरीब मन ल फायदा मिलन लगे हे। कई साल ले पट्टाधारी अपन जमीन के रजिस्ट्री नइ करा पा रहत रहिस हे। लेकिन अब सासन बदलत ही सरकार ह नया फरमान जारी करिस हे। एखर ले सरकार ह गरीब मन ल फायदा पहुंचाए बर पट्टा वाले जमीन के रजिस्ट्री सुरू करवा दीस हे। वरिष्ठ जिला पंजीयक बीएस नायक ह बताइस के रायपुर म आबादी पट्टेधारी मन के जमीन के रजिस्ट्री सुरू हो गेहे। शुक्रवार के सासन ले आदेस आइस हे अउ आज पहिली बेर एक पट्टेधारी के रजिस्ट्री करे गेहे। । नगर निगम सीमा म पहिली जेमन कब्जा कर सासन ले पट्टा प्राप्त करे हे, अब अइसन लोग मन रजिस्ट्री दफ्तर म आके अपन जमीन के मालिक बन सकत हे। सरकार ह हरी झंडी दे दीस हे अउ रजिस्ट्री घलो सुरू हो गेहे।
Other Articles
Next
January 5, 2019
रमन जा ही दिल्ली…पार्टी ह नवां नेतृत्व तइयार करे के मूढ़ म
Previous