अब नइ मनाए जाए मोबाइल तिहार…..98 हजार मोबाइल हो ही वापिस

सोनू केदार, अम्बिकापुर। जिला म मोबाइल तिहार मनाए बर संचार क्रांति योजना के तहत बांटे बर 98 हजार मोबाइल आए रहिस हे, अब ए मोबाइल ह नइ बंटय।  अब इला वापिस करे जाही। गुरुवार के जानकारी विभागीय सूत्र मन दीन । उमन बताइस के  नवनिर्वाचित मुख्यमंत्री भूपेश बघेल ह सरकारी मोबाइल वितरन म रोक लगा दिस हे।  अइसन म  अब एला वापिस करे जाही। ज्ञात होवय के भाजपा सरकार  ह संचार क्रांति योजना म प्रदेस म मोबाइल तिहार मनात रहिस हे। एमा हितग्राही मन ल  मोबाइल वितरन करे जात रहिस हे। एख बर सरगुजा, सूरजपुर अउ बलरामपुर जिला म घलो मोबाइल तिहार मनाए गिस लेकिन चुनाव म आचार संहिता लगे के सेती बंटे बर  आए मोबाइल हितग्राही मन ल नइ बंटे गिस।