अभु घलोक ईवीएम बुखार चढ़े हुए हे कांग्रेस ल : धरमलाल कौशिक

रायपुर। छत्तीसगढ़ विधानसभा चुनाव के नतीजा 11 दिसंबर के आही। नतीज मन ले पहिली राजनीतिक दल अपन-अपन जीत के दावा करत हे।  शुक्रवार के भारतीय जनता पार्टी के प्रदेश अध्यक्छ धरमलाल कौशिक ह कहिन के बीजेपी छत्तीसगढ़ म चउथी बार सरकार बनाही।

भाजपा के प्रदेस अध्यक्छ धरमलाल कौशिक ह कहिन के- छत्तीसगढ़ म सांतिपूर्ण चुनाव होइस हे लेकिन अभु घलोक कांग्रेस ल ईवीएम बुखार चढ़े  हुए हे। कांग्रेस लगातार भाजपा उपर ईवीएम मशीन खराब होय के आरोप लगात हवय। कांग्रेस के नेता मन स्ट्रांग रूम  म (ईवीएम मसीन जिहां रखे गेहे) उहां कैमरा लगाय के  बात करत हे अउ त अउर उहां कांग्रेस के कारयकरता मन ह रहे के बात करिन हे। अइसे हे त चुनाव आयोग ले बात करके ईवीएम मशीन रखे स्थान म सोय बर घलो ब्वस्था कर  लेवय।

भाजपा के अध्यक्छ धरमलाल कौशिक ह कहिन के  ए बार भारतीय जनता पार्टी भारी मत मन ले जीत हासिल करइया हे काबर के  छत्तीसगढ़ चुनाव के दउरान महिला मन ह  बढ़ चढ़के अपन मतदान करिन हे। एखर ले भारतीय जनता पार्टी को जीत हासिल होही अउ चउथी बार सरकार बनही। उमन ए घलोक कहिन के नक्सल प्रभावित क्षेत्र म कइसे वनवासी मन ह चुनाई म मतदान करे बर केंद्र पहुंचिन। एखर संग  सुरक्छा म  लगे जवान ल घलोक  धन्यवाद देना चाहूं काबर के जवान मन के बदौलत आज छत्तीसगढ़ के नक्सल प्रभावित क्षेत्र मन म  सांतिपूर्ण चुनाव होइस ।

भाजपा प्रदेश धरमलाल कौशिक  ह बताइस  के मध्य प्रदेस चुनाव बर  छत्तीसगढ़ ले विधायक प्रत्यासी चले गेहें।  येमा बृजमोहन अग्रवाल, अजय चंद्राकर समेत नंदकुमार साय, विष्णुदेव साय अउ अन्य वरिष्ठ नेता परदेश ले रवाना हो चुके हे अउ छत्तीसगढ़ के नेता मन मध्य प्रदेस के चुनाई म सामिल होके भारतीय जनता पार्टी ल जीत दिलाही।