अभु घलोक लालटेन अउ डिबरी के सहारे जीना पड़त हे ये ग्राम पंचायत मन के लोगन ल

कोरिया। प्रधानमंत्री नरेंद्र मोदी ह दावा करिन हे के देस के हर गांव म बेजली पहुंचाये जाही। मुख्यमंत्री रमन सिंह घलो अटल विकास यात्रा लेके निकले हे अउ हर घर ल रोसन करे के बात करत हे, लेकिन दावा त साहेब जिला के मनेंद्रगढ़ विकासखंड म आवइया कतको ग्राम पंचायत मन ह दमतोड़ देवत हे।
मनेंद्रगढ़ विकास खंड म आवइया कतको ग्राम पंचायत मन के लोगन ल अभु घलोक लालटेन अउ डिबरी के सहारे जीना पड़त हे। बेजली के समस्या ल लेके ग्रामीन मन ह कतको बार लोक सुराज, जनदरसन म आवेदन दिस, लेकिन नतीजा सिफर रहिस। हालांकि आश्वासन त कतको बार मिलिस। ग्रामीन मन के कहना हे के बेजली ना होय ले गांव ह विकास ले कोसों दूर हे।
मोबाइल चारज करे बर जाथे दूसर गांव
जिला मुख्यालय बैकुंठपुर ले लगभग 80 किमी दूर ग्राम पंचायत पहाड़ हसवाही के कतको गांव म आज घलो बेजली नइ पहुंच पाइस हे। गांव म बेजली नइ होय ले इहां के लोगन मन मोबाइल चारज कराय बर दूसर गांव म जाथे। उहें गेहूं पीसय बर घलो उमन ह दूसर गांव के ही सहारा लेना पड़त हे।
संझा होवत ही इहां छा जाथे अंधियार
बेजली न होय के कारण पूरा गांव संझा ढलत ही अंधेरा के आगोस म समा जाथे। उहें सबले जादा दिक्कत छात्र-छात्रामन ल होथे, जे मन ल पढ़े बर लालटेन के सहारा लेना पड़त हे। बरसा काल म त इहां के ग्रामीन मन के जान आफत म आ जाथे, जब उमन जहरीला जीव जंतु मन खतरा बने रहिथे।
ये बारे म गांव के सरपंच के कहिना हे के उमन कतको बार ग्रामीन मन ल लेके वेभाग के आला अधिकारी मन ह लोक सुराज अभियान म आवेदन घलो देय हन , लेकिन सिवाय आस्वासन के आज तक कुउ नइ होइस। बेजली नइ होय ले ग्राम पंचायत पूरी तरह ले विकास के दउड़ म बहुत पीछे हवय।