आंखि के ऑपरेशन म दोषी मन के खिलाफ हो ही कड़ी कार्रवाई, कोनो बड़े हॉस्पिटल म इलाज

डॉ. रमन सिंह होली के त्योहार म अपन गृह नगर कवर्धा पहुंचिस
कवर्धा । रंग मन के त्योहार होली, हर व्यक्ति होली त्योहार ल अपन घर-नगर अउ दोस्त मन के बीच मनाना पसंद करथे। मुख्यमंत्री रमन सिंह घलो होली के त्योहार म अपन गृह नगर कवर्धा पहुंचिस। होली के पूर्व संध्या म वो ह अपन पुत्र सांसद अभिषेक सिंह के संग कवर्धा पहुंचिस। हैलीपैड म ही स्वागत अउ होली के शुभकामनाएं देवइया मन डटे रिहिस।
हैलीपैड ले मुख्यमंत्री अपन कवर्धा निवास कार्यालय म पहुंचिस। जिहां पहिली ले अपन मुख्यमंत्री के इंतजार म लोग जमा रहिस हे। मुख्यमंत्री रमन सिंह ह लोगन मन ले मुलाकात करिस अउ होली के शुभकामना दीस। ए बखत मुख्यमंत्री रमन सिंह ह लोगन मन के समस्या ल घलो सुनिस अउ उपस्थित अधिकारी मन ले निर्देशित करत नजर आइस।
देर शाम मुख्यमंत्री रमन सिंह ह अपन निवास के आगु होलिका पूजा-अर्चना करे के बाद होलिका दहन करिस। होलिका दहन म मुख्यमंत्री के परिवार संग नगरवासी घलो शामिल रहिस हे। मुख्यमंत्री रमन सिंह ह जिलावासियों संग प्रदेशवासियों ल होली के शुभकाएनाएं दीस।
पत्रकार मन के सवाल म राजनांदगांव म मोतियाबिंद आपरेशन के बखत लोगन मन के आंखि के रोशनी चले जाए बर ओखर कहिना रिहिस कि उंखर मन के बेहतर इलाज कोनो बढ़िया अस्पताल म कराए जाहि। एखर संग दोषी मन उपर जल्द कार्रवाई के आश्वासन दिस। कौन से पंच लाईन म आगामी चुनाव लड़े जाहि के सवाल म मुख्यमंत्री ह कहिन कि अगला चुनाव म विकास, विकास अउ विकास के पंच लाईन म चुनाव लडें जाही। शुक्रवार के होली हवय अउ मुख्यमंत्री रमन सिंह अपन नगरवासी , मित्र, कार्यकर्ता मन के संग कवर्धा के गांधी मैदान म होली खेलत नजर आही। एखर बर मुख्यमंत्री निवास के आगू स्थित गांधी मैदान म पूरा तैयारी कर ले गेहे।