करव सख्त कार्रवाई : मूणत

रायपुर । प्रदेश म निर्बाध अउ मुक्त परिवहन ल बढ़ावा दे बर बुधवार के सिविल लाइन सर्किट हाउस म परिवहन मंत्री राजेश मूणत ह विभागीय अधिकारी मन के बैइठक लीस। बैइठक म विभागीय काम-काज के समीक्षा करेगिस। ए बखत मंत्री मूणत ह प्रदेश के समस्त खनिज अउ औद्योगिक क्षेत्र म बिना टैक्स, परमिट अउ फिटनेस चलत गाड़ी मन के धरपकड़ करे बर विशेष अभियान चलाए बर किहिस हे। बैठक म ऑल इंडिया टूरिस्ट परमिट या अस्थाई परमिट के दुरुपयोग करवइया अउ नियम के खिलाफ बस बॉडी बनाइवया , यात्री वाहन मन के चेकिंग करे बर अभियान चलाए के निर्देश दिस। बैठक में अपर मुख्य सचिव बीव्हीआर सुब्रमण्यम, परिवहन सचिव अरूण देव गौतम, अतिरिक्त परिवहन आयुक्त ओपी पाल, परिवहन विभाग के जिला स्तरीय अधिकारी उपस्थित रहिस हे।