बिलासपुर। आईटी भवन के स्ट्रांग रूम म गुरुवार के कांग्रेसी पहरा देही । एखर बर कलेक्टर अउ जिला निरवाचन अधिकारी पी दयानंद ले आधिकारिकतउर म अनुमति लेही। अनुमति मिलत ही सिफ्ट मन ह कांग्रेसी चउकीदारी करही।
बुधवार के जिला के सात विधानसभा क्षेत्र मन के ईवीएम ल कोनी स्थित स्ट्रांग रूम म लॉक कर देय गेहे । स्ट्रांग रूम ल गनधारी जवान मन के हवाले कर देय गेहे । स्ट्रांग रूम के सील 11 दिसंबर के बिहनियां सात बजे खुलही। सील खोले के पहिली राजनीतिक दल मन के कारयकरता मन अउ चुनाव अभिकरता मन के मउजूदगी तय करे जाही। एखर बाद सील ल तोड़े जाही।
प्रदेस कांग्रेस कमेटी ने प्रदेसभर के जिलाध्यक्छ मन के मोबाइल के जरिए स्ट्रांग रूम के चउकसी करे के निरदेस जारी करे हे। एखर बर जिला निरवाचन अधिकारी ले विधिवत अनुमति लेय के निरदेस घलो दिस हे।
पीसीसी ले मिले निरदेस के बाद गुरुवार के जिला कांग्रेस कमेटी के अध्यक्छ विजय केशरवानी ह जिला निरवाचन अधिकारी ले विधिवत अनुमति ले बर पत्र सउपिस। पत्र म कांग्रेसजन मन के सूची घलो रहही जे मन ह स्ट्रांग रूम के बाहिर जिला निरवाचन अधिकारी ह तय करे दायरा म रहके पहरेदारी करही। जिला कांग्रेस कमेटी ह 25 चुनिंदा कांग्रेसी नेतामन अउ कारयकरता मन के नाम तय करही जे मन ह बारी-बारी ले पहरेदारी करही।
ईवीएम के संग मरवाही ले आइस कांग्रेसी
मरवाही विधानसभा के ईवीएम ल गौरेला गुरुकुल स्कूल म बने अस्थाई स्ट्रांग रूम म रखेग रहिस हे। बुधवार बिहनिया ससस्त्र बल मन के मउजूदगी म ईवीएम ल गुरुकुल ले कोनी स्ट्रांग रूम लाय गिस। ईवीएम वाले वाहन मन के पाछु-पाछु कांग्रेसी घलो कोनी तक आइन अउ अपन देखरेख म ईवीएम ल स्ट्रांग रूम म रखवाके मरवाही बर रवाना होइस।
–
No Comment! Be the first one.