बड़ी खबर….ड्राइविंग लाइसेंस अउ गाड़ी के पेपर  मन बर …. परिवहन बेभाग के करिस हे ए बेवस्था

रायपुर । ड्राइविंग लाइसेंस अउ गाड़ी के पेपर संग रखे ले अब आजादी मिलइया हे। एखर विकल्प अब आपमन के मोबाइल फोन होवत हे। दरअसल, सडक़ परिवहन अउ राजमारग मंत्रालय ह 19 नवंबर के सबो राज्य मन के परिवहन बेभाग ह एक सरकुलर जारी करिस हे।

एमा म मंत्रालय ह कहिन हे अगर आम आदमी चाहे त वो ह जरूरत पड़े म ड्राइविंग लाइसेंस, पॉल्यूसन सरटीफिकेट समेत गाड़ी के अन्य दस्तावेज के डिजिटल कॉपी दिखा सकत हे। सरकुलर म कहिन के जब पुलिस या अन कोनो अधिकारी के तरफ ले गाड़ी के कागजात मांगे जाथे , त आम आदमी चाही त ए डिजिटल फॉरमेट  म दिखा सकत हे।

उंखर पास फिजिकल डॉक्युमेंट्स दिखाय के घलो एक विकल्प हे। ए तरह जब भी आप मन ल गाड़ी के कोनो कागजात मांगे जाही, त उमन ल आप डिजिटल फॉरमेट म दिखा सकत हव। पुलिस एला अस्वीकार नइ कर सकय।

ए सरकुलर ले पहिली अगस्त, 2018 म परिवहन व राजमारग मंत्रालय ह सबो राज्य मन ल ये संबंध म अधिसूचना जारी करिस हे। एमा कहे गेहे के आम आदमी अपन दस्तावेज डिजि लॉकर अउ एम परिवहन ऐप म रख सकत हव। पुलिस या कोनो  अन्य अधिकारी के मांगे म ये ऐप म सेव करेगे दस्तावेज दिखाय जा सकत हे।