एखर बर स्कूल मन म औचक निरीक्षन करही उड़नदस्ता

रायपुर। छत्तीसगढ़ के सरकारी अउ निजी स्कूल मन के कक्षा बारहवीं तक के लइका मन अब स्कूल म मोबाइल फोन नइ ले जा सकय।  सासन  ह सबो स्कूल मन ल  नोटिस जारी कर देय हे। ए निरदेस के सख्ती ले पालन करे बर   शिक्षा विभाग के उड़नदस्ता स्कूल मन म औचक निरीक्षन करही। उड़न दस्ता स्कूल म जा के लइका मन के बैग चेक करही। कोनो भी बच्चा के तीर मोबाइल बरामद होय म प्रबंधन जबावदेह होही।

ए संबंध म  अफसर मन के  कहना हे के  स्कूल ल ए तय करना हे के  बच्चा मोबाइल लेके  झन आवय। एखर बर उमन ल  समझाइस देवय।  संगे-संग.पैरेंट्स ले घलो बात करय। 12वीं तक के कक्षा मन के छात्र मन बर मोबाइल बैन हे।  एखर बावजूद शिक्षा विभाग के अफसर मन ल लगातार सिकायत मिलत हवय।  कई स्कूल मन म लइका मन मोबाइल लेके आवत हे।  मोबाइल के उपयोग ले बच्चा मन के पढ़ाई म असर पड़त हवय।  लगातार मिलत सिकायत मन के बाद सरकारी अउ प्राइवेट स्कूल प्रबंधन ल पत्र जारी कर गेहे।  चिट्ठी म ए घलो स्पष्ट कर देय गेहे के अफसर मन के  एक टीम मोबाइल के जांच करे बर उड़नदस्ता के  तरह निकलही अउ अचानक कोनो भी स्कूल म घुस के लइका मन के  बस्ता अउ जरूरत पड़े म  जेब ल चेक करही।  मोबाइलमर सख्ती ले पाबंदी लगाए बर अउ कड़ा निरनय ले जाही।