एखर सेती सासकीय कर्मचारी मन नाराज हवय….कहिन के, लोकसभा चुनाव बहिष्कार करबो  

बिलासपुर। छत्तीसगढ़ परदेस तृतीय वर्ग सासकीय कर्मचारी संघ विधानसभा चुनाव के दउरान कर्मचारी मन ल प्रसिक्षण के  बेरा म पोस्टल बैलेट उपलब्ध नइ कराय ले नाराज हे। कर्मचारी मन ह  बइठक  म  एखर निंदा करिन  हे।  संगे-संग  निरनय लिस के आगामी लोकसभा चुनाव  म प्रशिक्षण के बेरा म पोस्टल बैलेट नइ दिही त  उमन चुनाव कार्य के बहिष्कार करबो।

छग परदेस तृतीय वर्ग सासकीय कर्मचारी संघ के प्रांताध्यक्ष पीआर यादव ह रविवार के कर्मचारी भवन म कर्मचारी मन के बइठक लीस। बइठक म कहिन के  विधानसभा चुनाव म हमार कर्मचारी पोस्टल बैलेट उपलब्ध नइ होए ले शत प्रतिशत मतदान ल वंचित हो गिस  हे।

प्रांतीय कार्यकारिणी अउ जिला कार्यकारिणी नवां सरकार के गठन के बाद कर्मचारी मन  के लंबित मांग मन ल लेके मुलाकात करही अउ ध्यानाकरसन कराही। कल के बइठक म संघ  ह सेवानिवृत्त कर्मचारी मन के सम्मान करिन।