एखर सेती 72 विधानसभा सीट के चुनाव निरस्त हो सकत हे

बिलासपुर हाई कोर्ट म पहिली चुनाव याचिका दायर

 बिलासपुर। छत्तीसगढ़ विधानसभा चुनाव 2018 के बाद बिलासपुर हाई कोर्ट म पहिली चुनाव याचिका दायर करे गिस हे।  एस याचिका म राजनीतिक पार्टी मन के घोषणा पत्र ल लेके चुनउती दे गिस हे। याचिका म कहेगे हे के पार्टी मन के घोषणा पत्र सुप्रीम कोर्ट के गाइड लाइन के अनुसार नइए।  याचिकाकर्ता के मुताबिक तत्कालीन बिलासपुर कलेक्टर ह घलो एमा  सहमति जताए रहिस हे।

याचिकाकर्ता के मुताबिक घोषणा पत्र जनता ल जागरूक करे बर होना चाही न के चुनाव म मतदाता ल प्रलोभन दे बर।  साल 2018 के विधानसभा के 72 सीट के चुनाव निरस्त करे के मांग याचिका म करे गेहे। याचिकाकर्ता शम्भू प्रसाद शर्मा ह आगामी 2019 लोक सभा चुनाव म अंतिरिम आदेस पारित कर गाइडलाइन के अनुसार घोषण पत्र जारी करे  के निरदेस दे के मांग करे हे।  कोटा विधायक रेणु जोगी अउ अन्य 12 ल शम्भू के याचिका म पक्षकार बनाय गे हे। बता दन के याचिकाकर्ता शम्भू ह कोरबा सांसद बंसीलाल महतो के निर्वाचन ​के खेलाफ कोर्ट म याचिका दायर  करे रहिस हे।