ए पंखुड़ी मन के  ठंडा-ठंडा हवा खाना हे त ए स्पोर्ट्स मॉल म  जावव

रायपुर। आप मन अबड़ अकन पंखा देखे होहूं। कोनो टेबल पंखा होही त कोनो सिलिंग। या फेर दीवार वाले।  हवा घलो जोरदार आथे, लेकिन आज हम आप मन ल  एक अनोखा पंखा के बारे म बतात हन। जे कहीं अउ नइ आप मन  के सहर म ही लगे हे। खासियत हेके पंखा मन के पंखुड़ी दो- चार फिट के नइ, बल्कि 35 फिट के हे। ऊपर देखे  बर गर्दन ल पूरा उठाना पड़थे। लगातार देखे ले आंखि घलो चुधियां जाथे।  गजब के बात ए हे के एक बार चक्कर लगाए बर 15 सेकंड के समय लेथे। यानि एक मिनट म केवल चार चक्कर।  अब आप मन सोचत हव के फेर हवा का देवत हो ही। बात ये  है जनाब हवा त अइसे के हर कोना म बइठा व्यक्ति ल मिलथे।  ए पंखुड़ी मन ले ठंडी-ठंडी हवा खाना हे ते एक बार राजधानी के विधानसभा रोड स्थित डेकाथलॉन स्पोर्ट्स मॉल म जावव। पंखा देखो आपके भी आंखी चउक जाही।

माल म 30 फिट वाले पंखुड़ी के छह पंखा

मॉल के कर्मचारी प्रशांत राठी ह बताइस के  ए तरह के पंखा रायपुर म नइए। एला  खासतउर  म जापान ले मंगवाय गेहे।  वजह ये हे के  माल म एसी के अत्यधिक खरचा बचाना रहिस  हे।  संगे संगे 10 हजार स्वायर फिट के जगह के सफोकेसन घलो जरूरी रहिस हे । एखर सेती 30 फिट वाले पंखुड़ी के छह पंखा लगाए गेहे। एक-एक के कीमत पांच लाख रूपिया हे।

पंखुड़ी लंबी मगर सोर नइ

पंखे के पंखुड़ी अतना लंबा होय के बाद भी आवाज जरा से नइए।  एक हार्स पावर के मोटर ले पंखा ल चलाय जाथे। पंखे के पंखुड़ी घलो जर्मन अयस्क ले तइयार  करे गेहे।  ताकि एमा जंग जरा भी न लग सकय।