ए वजह ले अब देरी ले आही नतीजा …चुनाव आयोग के बड़ फइसला

रायपुर। चुनाव आयोग ह मतगनना के दउरान हर राउंड के बाद नतीज मन के जानकारी लिखित म देये के बात कहे हे। ए प्रक्रिया के पालन मवजूदा सबो विधानसभा चुनाव म होही। एमा मध्य प्रदेश, राजस्थान, छत्तीसगढ़, तेलंगाना अउ मिजोरम सामिल हे। ए संबंध म चुनाव आयोग ह प्रक्रिया पूरी कर के निरदेस  घलो  जारी कर दिस हे।  आयोग के ए फइसला ले पांच राज्य के विधानसभा चुनाव के नतीजा लंबा  बेरे ले इंतजार करत प्रत्यासी मन अउ  जनता  ल  ए बेर पहिली के अपेक्षा  थोड़किन अउ इंतजार करना होही। यानि  गनना म समय जादा लगही अउ  नतीजा  समय म एखर सोझे असर पड़ही।

दरअसल चुनाव आयोग ह कांग्रेस के वो मांग मान लिस हे, जेमा मतगनना के दउरान हर राउंड के बाद नतीजा मन के जानकारी लिखित म देय के बात कहे रहिस हे।  ए प्रक्रिया के पालन मवजूदा सबो विधानसभा चुनाव मन म  करे जाही। एमा  मध्य प्रदेश, राजस्थान, छत्तीसगढ़, तेलंगाना अउ मिजोरम सामिल हे।

ए संबंध म आयोग  ह प्रक्रिया पूरे के निरदस घलो जारी कर दिस हे।  उल्लेखनीय हे के कांग्रेस के नेता मन ए दफा मतदान के बाद ईवीएम की सुरक्षा बेवस्था म कई बार सवाल उठाइन। एखर सेती आयोग ह ए फइसला लिस हे।लिखित म देय के  प्रक्रिया के सेती समय जादा लगही अउ नतीजा के समय म एखर सोझे असर पड़ही। बताया जात हेके भाजपा  ह घलो चुनाव आयोग ले अइसन आदेस  देये के  मांग करिस हे। अतना ही नइ हर राउंड के परिनाम के घोसना अउ  प्रमान पत्र देय के  बाद ही दूसर राउंड  बर  ईवीएम स्ट्रांग रूम ले निकाले जाही।