ए शख्स ह दूसर के जमीन  ल बताइस अपन …. अब जेल म दिन काटे ल पड़त हे हैं

रायपुर। भाटागांव इलाका म दूसर के जमीन  ल अपन बताके फरजी  इकरारनामा तइयार कर 11 लाख रूपिया के ठगी करइया आरोपी संजय तिवारी  ल पुलिस ह  गेरफ्तार कर लिस  हे।

आरोपी ह बड़ ही सातिर तरीका ले फरजीवाडा कर खरीदार राकेश कुमार अग्रवाल ल सिकार बनाइस  हे।  आरोपी के विरूद्ध थाना डीडी नगर म धारा 420 भादवि. के तहत् अपराध पंजीबद्ध कर लेय गिस हे।

पुलिस ले मिले जानकारी  म  प्रार्थी राकेश कुमार अग्रवाल ह थाना डीडी नगर म रिपोर्ट दरज कराइस  के  वो ह अपन खुद के मकान बनाय बर जमीन के तलास करत रहे हव।  दउरान राकेश के मुलाकात संजय तिवारी ले होइस।.संजय ह भाटागांव के दतरेंगा से लगे जमीन ल दिखा के एखर एवज म राकेश ले दू बार म 11 लाख रुपिया  ले लिस।

राकेश ह जब जमीन के मुआयना व सरवे कराइस त जमीन म  शिव सोनकर नामक व्यक्ति ह अपन मालिकाना हक़ होना बताइस। एखर ले राकेश ल ठगी के अंदेशा होइस हे अउ वो ह  मामला के  सिकायत डीडी नगर थाना म करिस । पुलिस ह सिकायत के बाद आरोपी के पतासाजी कर ओला हिरासत म ले लिस हे।