कवर्धा म सीएम रमन सिंह ह करमा नृत्य के उठास लुत्फ़

कवर्धा। जिला म मुख्यमंत्री डॉ. रमन सिंह मंगलवार के कवर्धा जिला के दौरा करिस। ये बखत मुख्यमंत्री नगर के करपात्री मैदान म आयोजित विशाल करमा नृत्य कार्यक्रम म शामिल होइस । मैदान म 20 हजार महिला मन ह करमा नृत्य करिस। पूरा मैदान परिसर रंग बिरंगा साड़ी पहिने महिला मन ले आकर्षक नजर आवत रहिस हे।
मुख्यमंत्री ह जिला म आयोजित विशाल करमा नृत्य कार्यक्रम के बारे म कहिस कि प्रदेश म करमा नृत्य ल आगे बढ़ाए म पूरा छत्तीसगढ़ वासी के सहयोग हवय। उंमन कहिन कि जिला म पहिली बर अतका बड़े संख्या म महिला मन अपन बढ़िया प्रस्तुति दीस हे। ये मौउका म राजनांदगांव लोकसभा क्षेत्र के सांसद अभिषेक सिंह घलो आयोजन के खूब तारीफ करिन हे। एती बर जब साड़ी बांटे के समय आइस तव मैदान म भगदड़ मचगेरिस हे। महिला मन साड़ी बर पूरे मैदान म दौड़त भागत नजर आइस। तव मुख्यमंत्री रमन सिंह ल बीच म हस्ताक्षेप करना पड़ी। मुख्यमंत्री के मंच म आए के करीब आधा घंटा बाद भी कर्मा नृत्य शुरू नई होए रिहिस हे। एखर बाद जइसे-तइसे कार्यक्रम ल शुरू कराए गिस।
रमन सिंह ह कार्यक्रम के बखत उपस्थित लोग को संबंधित करत हुए कहिस कि छत्तीसगढ़ के विकास म खासतौर म कवर्धा जिला म सड़क मन के निर्माण, बढ़िया स्कूल, बिजली के व्यवस्था करे गेहे। एखर अलावा राशन बर मुख्यमंत्री खाद्यान्न सुरक्षा योजना म जिला के लोगन मन के भागीदारी हवय।