रायपुर । ये खबर उन सायकल चालक मन बर खास हवय जे मन ह रात के अंधेरा म सड़क म सफर करत हवय। खबर ये हवय कि सायकल चालक मन अउ सवार मन ल रात के अंधेरा म होवइया दुर्घटना मन ले बचाए बर एक अभियान चलत हवय। जे ला नाम दे हवय सुरक्षा बर जरूरी हवय एक लाल टीका।
एमेर लाल टीका के मतलब हवय एक लाल कलर के रेडियम स्टीकर। ये स्टीकर ल सायकल के पीछू म चिपकाए जाथे। जेखर ले पीछू से आवइया वाहन मन के तेज रौशनी पड़े के वजह ले ये ह चमक उठथे। अउ पता तल जाथे कि सामने म कोनो सायकल सवार जावत हवय। ये तरह ले एक दुर्घटना होवत बच जाथे।
कुछ इही तरहके अभियान जनजागरण मंच अउ यातायात पुलिस राजनांदगांव जिला के संयुक्त पहल म चलाए जात हे। अभियान के तहत मंगलवार के राजधानी के कालीबाड़ी चौक, गांधी मैदान, शासकीय स्कूल म लगभग 1700 साइकिल म रेडियम स्टीकर चिपकाए गिस हे। जन जागरण मंच के विनोद कश्यप ह बताइस कि छत्तीसगढ़ के विभिन्न जिला मन म ये अभियान के माध्यम ले अब तक कुल 19 हजार सायकिल म लाल कलर के रेडियम स्टीकर चिपकाए जा चुके हे। आगे ये अभियान ल निरंतर बनाे रखे बर लोग मन ल जुडऩे के अपील करे गेहे।
