कांकेर म सत्र न्यायाधीश के परिवार दहसत…. बजह जाने बर पढ़व खबर ल

 रायपुर/कांकेर।कांकेर जिला म भालु मन के आतंक थमे के नाम नइ लेवत हे।  वन विभाग म बुधवार के  ओ वक्त हडकंप मच गिस, जब सत्र न्यायाधीश के घर भालुमन के घूसे के खबर मिलिस। आनन-फानन म वन अमला मउका म पहुंचिन।

मिले जानकारी  म कांकेर म अतिरिक्त जिला अउ सत्र न्यायाधीश प्रशांत कुमार शिवहरे के घर तीन भालु मन के घुसे ले हड़कंप मच गे हे।  एक मादा भालू अपन दू शावक के संग रिहायशी इलाका म स्थित जज के घर म घूस गेहे। ए भालु मन ल पकड़े बर  वन विभाग के टीम मउका म पर पहुंच गेहे।

वनकर्मी मन भालु मन बर  एक पिंजरा लगाय हे। संग ही शहद देके लालच देय जात हे।  उहें जज के परिवार घर म  हे अउ आंगन म भालु मन के मवजूदगी ले डरे हवय।  दूसर ओर भालु मन ल देखे बर तमाशबीन मन के भीड़ जमा हो गहे ।  जेखर सेती बचाव अभियान म वन विभाग ल दिक्कत के सामना करना पड़त हे।