रायपुर। राज्य सरकार ह सबो विभाग मन के सासकीय कार्यालय मन म अभिलेख मन के सुरक्षित रख-रखाव के निरदेस हे। सामान्य प्रसासन विभाग ह इस सिलसिला म इहां मंत्रालय(महानदी भवन) ले सोमवार के देर रात सबो विभागों के अपर मुख्य सचिव, प्रमुख सचिव, सचिवोअउ स्वतंत्र प्रभार वाले विसेस सचिव मन ल परिपत्र जारी करे गे हे। परिपत्र म सरकारी अभिलेख मन ल आनन-फानन म नष्ट नइकरे के सख्त हिदायत दे गे हे। अउ कहिन के जेए संबंध म सासकीय मार्गदर्शिका अउ निरदेश मन के उल्लंघन करही त संबंधित मन के खेलाफ कड़ी कार्रवाई करे जाही।
सामान्य प्रशासन विभाग ह परिपत्र म कहे हे के विभिन्न समाचार पत्र मन अउ इलेक्ट्रॉनिक मीडिया के माध्यम ले ए आसय के समाचार मिलतहे के कतिपय विभाग मन म अउ कतिपय पूर्व मंत्रिमन के बंगला म फाइल मन/अभिलेख मन ल आनन-फानन म नष्ट करे जात हे। परिपत्र म आगू कहे गे हे। – इहां ए उल्लेखनीय हे के अभिलेख मन ल सुरक्षित संधारितकरे बर सासन के स्पष्ट दिसा-निरदेस हे । परिपत्र म ए घलोकहे गेहे के अभिलेख मन के विनष्टीकरन एक निश्चित अवधि के बाद निर्धारित प्रक्रिया अपनाके कर जाही। आनन-फानन म अभिलेख मन के विनष्टीकरन संदेह मन ल जन्म देवत हे।
No Comment! Be the first one.