रायपुर । कांग्रेस भले ही ईवीएम म छेड़छाड़ होय के आरोप लगात हे अउ पहरेदारी करत हे लेकिन पार्टी के वरिष्ठ नेता टीएस सिंहदेव ह एखर ले इंकार करिस हे। सिंहदेव के कहिना हे के मैं आशावादी हव.. बेवस्था ले ए तरह छेड़छाड़ संभव नइ हे।
कांग्रेस ह विधानसभा चुनाई के बाद ले सरकार उपर इवीएम ले छेड़छाड़ के आरोप लगात हे। एला लेके सिंहदेव ह अपन रुख साफ करिन हे । नेता प्रतिपक्ष ह कहिन के इवीएम ल लेके मैं आशावादी हव। तंत्र ल अतना प्रभावित नइ करे जा सकय। मतदाता मन के अंतिम निरनय ही चुनाव परिणाम म आघू आही । प्रजातंत्र अभु दुष्प्रभाव मन ले अतना प्रभावित नइ होय हे के जनता के मत ल बदल सकय।
सिंहदेव ह मानिस के हैक हो सकते हे ईवीएम….. ईवीएम के मसीन हैक करे जा सकत हे मगर बड़े पइमाना म नइ । अगर मैं अपन विधानसभा के बात करूं एला संयोग ही कह सकत हन के जिहां -जिहां पाछू के चुनाइ म कांग्रेस के वोट जादा मिले रहिस हे उहें के मसीन जादा खराब होइस हे।
त पहिली हेल्थ कार्ड डॉ. रमन सिंह ल…… उमन कहिन के जनघोषणा पत्र बनाय के वक़्त जे आर्थिक परिकल्पना करे गिस, वो एक लाख करोड़ के रहिस हे । तीन हजार करोड़ बेरोजगारी भत्ता बर लगही । हेल्थ बर 4 हजार 500 करोड़ लगही । हमार सरकार म सबले पहिली हेल्थ कार्ड डॉ. रमन सिंह ल जाही, उमन ले या न लें ये अलग बात हे । सिंहदेव कहिन के जिहां तक संभव हे के कांग्रेस पार्टी ह ए बात ल मान ले हे के जे यंत्र मानव बना सकत हे ओला परभावित घलो कर सकते हे ।
—-
Other Articles
काबर कहना पड़िस सिंहदेव ल …. त वो ह कभु सीएम नइ बनव
