काबर तीन घंटा एयरपोर्ट म तीन घंटा बइठे रहिन हे  सिंहदेव, भूपेश अउ महंत ह

रायपुर । राहुल गांधी के बुलावा म मुख्यमंत्री के दावेदार मन ल दिल्ली तलब करे गिस। प्रदेश कांग्रेस कमेटी के प्रदेश अध्यक्ष भूपेश बघेल, नेता प्रतिपक्ष टीएस सिंहदेव अउ चुनाव अभियान समिति के अध्यक्ष चरणदास महंत दिल्ली बर आज बिहनिया रवाना होवइया रहिन हे।   लेकिन कुहरा के वजह ले  फ्लाइट ह लेट होगे अउ बिहिनया ले करीबन तीन घंटा तीनों नेता ल माना एयरपोर्ट म बइठना पड़गे। उहे  एक अन्य दावेदार ताम्रध्वज साहू पहिली ले ही दिल्ली म हे।

छत्तीसगढ़ के मुख्यमंत्री पद के दउड़ म सामिल प्रदेश कांग्रेस अध्यक्ष भूपेश बघेल दिल्ली  बर रवाना हो चुके हे उंमन के संग उंखर  साथी अउ सीएम पद के दूसर दावेदार टीएस सिंहदेव अउ चरणदास महंत घलोक दिल्ली गेहे।  पहिली उम्मीद करे जात रहिस के दुपहर 12 बजे तक मुख्यमंत्री के नाम  म फइसला हो जाही। फ्लाइट लेट होय के कारन अब फइसला संझा के होही।  उहें मध्यप्रदेस म आज सपथ ग्रहन के तइयारी हो चुके हे।  बताए जात हे के  मप्र म सपथ ग्रहन के बाद ही बइठक होही अउ जेमा फइसला लेय जाही। कि आखिर म प्रदेस के तीसर मुख्यमंत्री कउन होही ? काली संझा ले ही नेता प्रतिपक्ष टीएस सिंहदेव के बंगला म समर्थक मन के  जमावड़ा लगे हुए हे, उहें दूसर ओर प्रदेस अध्यक्ष भूपेश बघेल के बंगला म आतिसबाजी सुरू कर देय रहिस हे।