काबर 23 दिन बाद घलोक कतको धान खरीदी केंद्र मन म नइ हो सकीस बोहनी…. वजह जानव

करजा माफी-समरथन मूल्य के आस म किसान करत के  हे 11 दिसंबर के इंतजार

पद्मिनी मरावी, बैकुण्ठपुर । कोरिया जिला म समरथन मूल्य म धान खरीदी ल 23 दिन हो गे, लेकिन जिला के कतको केंद्र मन म धान नइ आइस हे। किसान मन ह अब तक ए डहर रुख नइ करिन हे। अउ ए केंद्र मन म सन्नाटा पसरे हे।

जिला सहकारी केंद्रीय बैंक ह पंजीकृत किसान मन के धान समरथन मूल्य म खरीदे बर जिला म 20 खरीदी केंद्र मन के स्थापना करे हे। इन केंद्र मन म  कर्मचारी मन के तइनाती घलो कर दीस हे। सबो केंद्र मन म एक नवंबर ले पहिली बारदाना व अन्य जरूरी सामग्री के आपूर्ति कर दीस। जेखर बाद अधिकांश केन्द्र मन म  किसान मन ह  सुरुआत म ही अपन धान बेच दिस हे। लेकिन कांग्रेस के घोषणा पत्र के जारी होय के बाद एमा लगाम लगिस हे।

जिला सहकारी केंद्रीय बैंक के आंकड़ा मन म नजर डालन त एक नवंबर ले 22 नवंबर तक सोसायटी म अभु हजारों किंवटल धान खरिदी हो जाना रहिस हे। लेकिन पाछु साल के मुकाबला म धान काफी कम मात्रा म खरीदी हो पाइस हे।  ए आंकड़ा ल काफी कम माने जात हे। एती जिला म कतको खरीदी केंद्र अइसे हे  जिहां आज तक किसान मन ह धान के बिक्री करे बर नइ पहुंचिन। इहां पूरा तरह ले सन्नाटा पसरे  हुए हे। जबके धान के कटाई के संग ही मिसाई घलो होवत हे। जिला मुख्यालय के छिन्दांड सोसायटी म शुक्रवार के पतला धान 581.20 खरीदे गिस । जेमा ले मिलिंग बर  350.00 किंवटल धान भेजे गिस हे। सोसायटी म अभु 231.20 धान रखे हे। सूत्र मन के मानन हे के किसान मन विधान सभा चुनाव के परिनाम के बेसब्री ले इंतजार करत हे।  जे ह 11 दिसम्बर के निकल ही।

धान के  कम खरीदी अउ किसान मन के 11 दिसम्बर के इंतजार के बारे म नेता प्रतिपक्ष टीएस सिंहदेव के कहिना हे के किसान  मन ह ए चुनाइ म हमार संग हे। अगर हमर सरकार बनही त हमन करजा माफी अउ समरथन मूल्य बढ़ाय के वादा मन ल तत्काल लागू करबो। जे किसान मन ह  अपन धान बेच दिस हे , उमन ल घलोक करजा माफी सहित समरथन मूल्य के फायदा देय जाही।