चुनाई के बाद ए तरह ले अपन थकान मिटाइस पुलिस अधिकारी मन ह

रायपुर । प्रदेस म विधान सभा चुनाव दूसर चरन के मतदान सांतिपूर्ण निपटने के संग ही  प्रदेस के आला अधिकारी मन ह राहत के सांस लीस,  अउ अधिकारी मन ह  अपन चुनावी थकान  मिटाय म जुट गे। एती पुलिस के आला अधिकारी मन ह  एक निजी होटल म अपन थकान मिटाय बर पहुंच गे।  अउ फिल्मी गीत मन म  अधिकारी मन ह जमके ठुमके लगाइस। एखरे संग पुलिस अधिकारी मन ह अपन मनपसंद गाना मन के फरमाइस करिन अउ एक अलग अंदाज म दिखाई दीन।

प्रदेस म 90 विधानसभा सीट मन बर दू चरम म सांतिपूर्ण मतदान संपन्न होइस हे। पहिली चरम म बस्तर अउ राजनांदगांव के 18 सीट मन बर मतदान कराय गिस । ओखर बाद दूसर चरम म 20 नवंबर के बचे 72 सीट मन म वोटिंग होइल।  मतदान सांतिपूर्ण कराय बर आला अधिकारी मन ह अपन पूरा ताकत झोंक दीस। करीब एक माह ले पुलिस विभाग चुनाव के तइयारी म जुटे रहिस हे।

प्रदेस भर म पुलिस ह चाक चौबंद बेवस्था करे रहिस हे । वाहन चेकिंग ले लेके अपराधी मन उपर कड़ी नजर रखे रहिन हे। एखर बाद मतदान पार्टी ल बूथ मन तक पहुंचाय ले लेके वोटिंग फेर वापिसी अउ ईवीएम मसीन मन ल स्ट्रांग रूम तक पहुंचाय बर कड़ी मेहनत करिन । मतदान के बेरा म स्थानीय पुलिस के सहयोग बर  अलग-अलग बटालियन ले घलो लगभग एक लाख पुलिस कर्मी मन के ड्यूटी लगाय गे रहिस हे।