कोनो मेर देर से वोटिंग त कोनो जगा मशीन मन म तकनीकी खराबी

नवनीत शुक्ला, मुंगेली । छग विधानसभा के दूसर चरण के मतदान के दउर मुंगेली जिला म बिहनिया ले सुरू होइस। ये दउरान मुंगेली विधानसभा क्षेत्र क्रमांक 27 के बूथ क्रमांक 109,110  म मतदान सुरू होय के कुछु देर  बाद इवीएम म सिकायत सुने  बर मिलिस उहें  बूथ क्रमांक 116 म मतदान निर्धारित बेरा ले   लगभग 1 घंटे देर ले मतदान सुरू होइस । मतदान ल लेकर लोगन म उत्साह दिखिस। बूथ क्रमांक 117 म 18 बछर के राधिका निषाद ह पहिली बेर अपन मत के उपयोग  करिन।  उहें  बूथ क्रमांक 110 म 90 बछर के  रतनी बाई पटेल ह अपन मत के उपयोग करिस।