गरीबमन के विकास बर ध्यान नइ दीस कांग्रेस ह : डॉ.रमन सिंह

कांग्रेस ऊपर लटोरी के चुनावी सभा म जमके हमला बोलिस मुख्यमंत्री ने
सूरजपुर । मुख्यमंत्री डॉ.रमन सिंह बुधवार के सूरजपुर जिला के लटोरी म चुनावी सभा ल संबोधित करत हुये कांग्रेस ऊपर जमके हमला बोलिस। उमन ह कहिन के कांग्रेस के तीर ना तो नीयत हवय अउ ना ही नीति हे अउ न ही नेता हवय। कांग्रेस सिरिफ वोट के राजनीति करथे। सीडी के सियासत करत हे। कांग्रेस भाजपा के नकल कर के सत्ता पाना चाहत हे।
मुख्यमंत्री ह कहिन के कांग्रेस ह कभु गरीबमन के विकास म धियान नइ दिस हे। जब के कांग्रेस के सरकार रहिस हे। तब सूरजपुर जिला के लोगन कनकी अउ कुटकी खाके जीवन यापन करत रहिन हे । भाजपा के सरकार आइस तव इहां के बिकास सुरू होइस हे। जब राज्य म कमल खिलिस तबले विकास होइस।
आपमन के एक-एक वोट हमार बर आसीरवाद हे। आज इहां सांति अउ बिकास दिखत हे, ये भाजपा के15 बछर के मेहनत हवय। तबले ये वातावरन बने हे। मुख्यमंत्री ह कहिन के कांग्रेस भाजपा के नकल करत हे। नकल करके कुछु नइ कर सकय।
60 बछर राज करिस तब 1 रुपया म एक किलो चाउर देय बर नइ सुझिस। अब जब भाजपा सरकार गरिब मन ल धियान म रख के एक रुपिया म चाउर देय बर सुरु करिस तब सत्ता पाय बर उमन ह एक रुपिया म चाउर बात कहत हे। अतना दिनमन म उमन ल चाउर अउ धान के याद नइ आइस। हमन ह 11बछर ले चाउर देवत हन। 128 महीना होगे। मुख्यमंत्री ह कहिन के हमन वोट बर चाउर देय के योजना नइ बनाय हन।
गरीब मन के बेटा खाली पेट ना सोवय। गरीब मन के जीवन म परिवरतन आय। येखर बर ये योजना बनाय गेहे। कांग्रेस ल ये मा राजनीति सुझत हे। ये योजना एक दिन के नइए। चावल देय ले सरकार नइ बनय। कांग्रेस रमन ल हटाय बर षड़तंत्र करत हे । हमार चरित्रवान नेतामन के सीडी बनात हे। येखर ले काम नइ बनिस तव अब उमन अपने नेता के सीडी बनावत हे।