गांव-गांव म स्मार्ट घुरवा बनाही …मुख्यमंत्री भूपेश बघेल

रामनामी महासभा बड़े भजन मेला म सामिल होइन सीएम भूपेश

रायगढ़।  मुख्यमंत्री भूपेश बघेल आज रायगढ़ जिला के सारंगढ़ विकासखण्ड के ग्राम उलखर म आयोजित अखिल भारतीय रामनामी महासभा बड़े भजन मेला म सामिल होइन।

 अपन उद्बोधन म मुख्यमंत्री बघेल ह कहिन के प्रदेस म किसान मन के हित म निरनय लेवत हुए 2500 रुपिया समर्थन मूल्य म धान खरीदी के निरनय लेय गेहे। प्रदेस के किसान मन ल कोनो तकलीफ  नइ होना चाही। उहें किसान मन के ऋण मुक्ति बर घलो सासन के ओर कारगर पहल करे गेहे।  उमन कहिन के किसान मन के खुशहाली ले ही सबके खुशहाली हे। उमन कहा कि झीरम घाटी नक्सली हमला म  शहीद मन के परिजन मन ल  न्याय दिलाए   विशेष जांच टीम एसआईटी के गठन करे गेहे। उमन कहिन के नागरिक आपूर्ति मामला के जांच बर करवाई करे जात हे। मुख्यमंत्री भूपेश बघेल ह कहिन के गांव-गांव म स्मार्ट घुरवा बनाही जेखर माध्यम ले जैविक खाद अउ वर्मी कम्पोस्ट के उपलब्धता सुनिश्चित करे जाही।

 नगरीय प्रशासन मंत्री शिवकुमार डहरिया ह कहिन के आदिवासी युवा, महिला मन,  लइका मन अउ सबो क्षेत्र म कार्य करे जात हे। उच्च शिक्षा मंत्री उमेश पटेल ह कहिन के सासन ह किसान मन के ऋणमाफी कर  उँखर दुख-दरद ल समझत हे।  ए अवसर म  विधायक सारंगढ़ उत्तरी जागड़े, विधायक  प्रकाश नायक, चक्रधर सिदार, अनेक जनप्रतिनिधि, कलेक्टर यशवंत कुमार, पुलिस अधीक्षक राजेश अग्रवाल समेत अन्य अधिकारी व ग्रामीन उपस्थित रहिन हे।