छत्तीसगढ़ के तीन आंगनबाड़ी कार्यकर्ता मन ल  मिलिस राष्ट्रीय पुरस्कार

रायपुर। छत्तीसगढ़ के तीन आंगनबाड़ी कार्यकर्ता मन ल आंगनबाड़ी सेवा म  बेहतर क्रियान्वयन बर सोमवार के राष्ट्रीय पुरस्कार ले सम्मानित करे गिस।  ए पुरस्कार छत्तीसगढ़ के जशपुर जिला के आंगनबाड़ी कार्यकर्ता प्रेमलता चक्रेश, दुर्ग जिला के आंगनबाड़ी कार्यकर्ता मीना वर्मा अउ कोरबा जिला के आंगनबाड़ी कार्यकर्ता पूनम बिंझवार ल केन्द्रीय महिला अउ बाल विकास मंत्री मेनका गांधी ह प्रदान करिन।

आज नई दिल्ली के प्रवासी भारतीय केन्द्र म आयोजित कार्यक्रम म ए पुरस्कार उमन आंगनबाड़ी केन्द्र म पूरक पोसन आहार, टीकाकरन, अउपचारिक सिक्षा व अन्य सेवा मन के बेहतर क्रियान्वयन  बर प्रदान करे गिस।