छत्तीसगढ़  म घलो CBI ल जांच बर दे गे सामान्य सहमति ल लीस वापस

नई दिल्ली/रायपुर। आंध्र प्रदेस अउ पश्चिम बंगाल के सरकार के बाद छत्तीसगढ़  ह घलो  सीबीआई ल राज्य म छापा मारे या जांच करे बर  दे गे ‘सामान्य रजामंदी’ वापस ले लिस। अधिकारी मन ह ए जानकारी दीस हे। 

ए कदम उहीं दिन उठाय गिस, जे दिन प्रधानमंत्री नरेंद्र मोदी के अगुवाई वाले एक पैनल ह आलोक वर्मा ल सीबीआई प्रमुख के पद ले हटाए गिस।  उमन ल अग्निशमन सेवा, नागरिक रक्षा अउ होमगार्ड्स महानिदेशक के पद उपर नियुक्त करे गिस हे।  केंद्रीय सतर्कता आयोग के जांच रिपोर्ट म वर्मा उपर भ्रष्टाचार के आरोप लगाय रहिस हे।

एक आधिकारिक बयान के हवाला देवत हुए बताय गिस के मुख्यमंत्री भूपेश बघेल के अगुवाई वाली छत्तीसगढ़ सरकार ह केंद्रीय गृह मंत्रालय अउ कार्मिक मंत्रालय ले सीबीआई ल राज्य म कोनो घलो नया मामला दरज नइ करे के निरदेस दे  के मांग करत हुए उमन ल पत्र लिखे हे।