छत्तीसगढ़ के बायो फ्यूल ले 26 जनवरी के दिल्ली म हवाई करतब

रायपुर। छत्तीसगढ़ म उत्पादित रतनजोत, करंज अउ पलाश ले तइयार बायो फ्यूल अब देस के आन-बान- सान म उपयोग होवक हे। ए बरस के गनतंत्र दिवस प्रदेशवासी मन बर खास हे,  काबर के 26 जनवरी के दिल्ली राजपथ म होवइया एयर सो म प्रदेस  निरमित बायो फ्यूल ले हवाई करतब करत एयर फोर्स के फाइटर प्लेन दिखाई देंही।

आखिरकार प्रदेस के किसान मन के मेहनत कारगर होगिस। प्रदेस के महत्वपूरन योजना बायो फ्यूल  ले घलो पंख लग गेहे। छत्तीसगढ़ बायोफ्यूल डेवलपमेंट अथॉरिटी के अधिकारी मन ह  बताइस के एयरफोर्स के अफसर तीन हजार लीटर बायो फ्यूल देहरादून के बेस कैंप म ले गेहे। उहें ले चंडीगढ़ बैस कैंप ले जाय जाही।  एखर बाद 26 जनवरी के बायो फ्यूल ले एयर सो दिखाय जाही।