रायपुर। रविवार के बस्तर जिला मुख्यालय जगदलपुर म एक दिन म एक संग ग्यारह सौ शादी के एक नवा कीर्तिमान बनिस हे। मुख्यमंत्री डॉ. रमन सिंह ह रविवार शाम के बस्तर जिला के मुख्यालय जगदलपुर म आयोजित सामूहिक विवाह समारोह म गरीब परिवार मन के ग्यारह सौ बेटी के शादी म शामिल होके सब्बों जोड़ा मन ल आशीर्वाद दिस हे। समारोह के आयोजन मुख्यमंत्री कन्या विवाह योजना के तहत महिला एवं बाल विकास विभाग ह जिला प्रशासन के सहयोग ले करिस हवय।
डॉ.सिंह ह कहिन कि आज ले चैत्र नवरात्रि अउ भारतीय नववर्ष विक्रम संवत 2075 के पहिलि दिन गरीब परिवार मन के ग्यारह सौ बेटी बर मुख्यमंत्री कन्या विवाह योजना म ये विशाल सामूहिक विवाह समारोह के आयोजन वास्तव म एक बड़का पुण्य के कारय हे। मुख्यमंत्री ह कहिन कि विवाह एक मिलन उत्सव नइए, बल्कि गृहस्थ जीवन म प्रवेश के संग अपन पारिवारिक अउ सामाजिक जिम्मेदारी निभाए के एक संकल्प हे । समारोह म महिला एवं बाल विकास विभाग के विभिन्न परियोजना मन के गांव मन ल चुने गे कन्या मन के विवाह उँखर अपन रीति-रिवाज के अनुसार संपन्न होइस हे। ये म तोकापाल परियोजना के 115, जगदलपुर शहरी परियोजना के 80, जगदलपुर ग्रामीण परियोजना के 150, बकावण्ड के दूनों परियोजना के 181, दरभा परियोजना के 165, लोहाण्डीगुड़ा परियोजना के 143, बास्तानार परियोजना के 87 अउ बस्तर परियोजना के 179 कन्याएं शामिल हे। बस्तर जिला म मुख्यमंत्री कन्या विवाह योजना म ये ला मिलाके अब 8647 जोड़ा मन के विवाह संपन्न हो चुके हे।
