जनता कांग्रेस- बसपा गठबंधन म बेमेल समझउता… बीएसपी ल होही नुकसान

रायपुर। जनता कांग्रेस छत्तीसगढ़ अउ बहुजन समाजवादी पार्टी के गठबंधन उपर उंगली उठे बर सुरू होगे हे। बसपा ले निष्कासित पूरव प्रदेश महासचिव मैनेजर प्रसाद मधुकर ह गठबंधन ल बेमेल समझउता बताइस हे। गउरतलब हे के कुछु दिन पूरव मुधकर ह बहुजन समाज पार्टी के प्रदेस पदाधिकारी मन उपर भ्रष्टाचार समेत कतको अनैतिक काम मन म लिप्त होय के आरोप लगाय रहिस हे, जेखर बाद उमन ल कुछु दिन पहिला ही पार्टी ले निष्कासित करे गिस।
मधुकर के कहिना हे के बहुजन समाज पार्टी पिछु 40 साल ले प्रदेम काम करत हे, ओला अतना मजबूर होय बर पड़िस के मात्र 35 सीट म अउ जे पार्टी ह हाल ही म बनिस हे, उमन ल 55 सीट म विधानसभा चुनाइ लड़के के समझउता करना बेमेल के समझउता हे। मधुकर ह कहिन के अजीत जोगी के पार्टी बने अभी कुछ बेरा हो हे, ये पार्टी ले न त जोगी ह कभु चुनाइ लड़े हे अउ न ही जीत हासिल करिस हे। अजीत जोगी सिरिफ कांग्रेस के नेता हे अउ ओखर बाद भी बीएसपी के प्रदेश पदाधिकारी मन ल 35—55 के गठबंधन कराना उचित नइए। येखर खामियाजा बीएसपी ल भविष्य म भुगतना पड़ सकत हे।