जानव, काबर आधा रायपुर सहर रहिगे प्यासा

रायपुर। रावणभांठा फिल्टर प्लांट म गुरुवार के रात के सिफ्ट म जे दू कर्मचारी मन के ड्यूटी लगे रहिस हे, उमन म ले  एक छट्ठी कार्यक्रम म चलेगे अउ  दूसर पंप मन ल ऑन कर के सोए बर चल दिस।  नतीजा ए होइस के सबो छह पंप के संग मोटर हाउस पानी म डूब गे।  ए वदह ले 17 टंकी  म  पानी नइ भरा पाइस। अउ सहर म पानी बर हाहाकार मचगे। अब सबो मोटर ल उरला इलाका के ओवन म घंटों सुखाय जात हे।  गुरुवार केआधा सहर प्यासा रहिस हे। न  बिहनियं  पानी मिलिस अउ  न संझा।

एला ले भरे जाथे 17 टंकी ल  

भाठांगाव के बाद रावणभांठा के प्लांट ले पानी के आपूर्ति होथे । एकर बर इहां के  पंप हाउस म छह विसाल मोटर पंप लगे हवय, जेखर जरिए 17 टंकी ल भरे जाथे।  पानी सप्लाई के काम ठेका म दे गेहे। बुधवार के रतिहा  इहां दू कर्मचारी मन के  ड्यूटी रहिस हे। एमा एक झन छुट्टी लेके चले गिस। ठेकेदार ह उंखर जगा कोनो को  ड्यूटी नइ लगाइस। जे एक कर्मचारी ड्यूटी म आय रहिस हे, वो ह  सबो पंप ल चालू कर आसपास सोए बर चल दिस।  पूछताछ म अभे तक जे बात आघू आइस हे के इहीं बीच बिजली ट्रिप करगे अउ जब दूबारा पंप ऑन होइस त कर्मचारी बेसुध सोवत रहिस हे। जेखर ले पंप हाउस पानी ले लबालब होगे। तड़का एखर पता तब चलिस जब पंप हाउस के पानी बाहिर आए लगिस।  ओखर बाद अफरा तफरी मचगे।  मेयर प्रमोद दुबे नगरीय प्रसासन के सचिव के संग प्लांट पहुंचिन। उहां के नजारा देख  उमन हतप्रभ रहिगिन। उहें विधायक विकास उपाध्याय घलोक अपन संगवारी मन के संग पहुंचिन।