जिला सिक्षा बेभाग के लापरवाही……10वीं के लइका मन ल मिलिस 9वीं के प्रस्न पत्र

गरियाबंद। बुधवार के गरियाबंद जिलेा म अर्द्ध वार्षिक परीक्षा म 10वीं के लइका मन ल 9वीं के प्रश्न पत्र हल करे बर दे देय गिस । लइका मन  घलो पर्चा हल करे लगिस ।  ए मामला के जानकारी जइसे ही सिक्षक मन ल मिलिस  त  लइका मन ले  प्रस्न पत्र वापिस ले लिस अउ  परीक्षा कोनो दूसर दिन होय के बात कहत हुए परीक्षा हॉल ले घर जाय बर कहिन।

जिला सिक्षा बेभाग गरियाबंद ह स्कूल मन म  ए दिन मन म अर्ध्द वार्षिक परीक्षा लेवत हे । बुधवार के 10वीं कक्षा के समाजिक विज्ञान के पेपर निर्धारित रहिस हे।  जिला मुख्यालय ले पहुंचे प्रस्न पत्र के बंडल मन ल जब सिक्षक मन  खोलिस त ओमा  9वीं कक्षा के प्रस्न पत्र निकलिस हे।

एती कुछु स्कूल मन म त  प्रस्न पत्र मन ल बांटके परीक्षा घलो सुरू कर दे गिस। त कुछु स्कूल मन म सिक्षक मन ह  बांटे के पहिली ही प्रस्न पत्र ल देख लिस। आनन-फानन म प्रस्न पत्र ल छात्रमन ले वापिस लेय गिस।