जोगी अउ मायावती के गठबंधन ले हमन नइ कांग्रेस ल नुकसान पहुंचाही : रमन सिंह

एक मुलाकात…..  रायपुर। छत्तीसगढ़ के मुख्यमंत्री रमन सिंह भाजपा के सबले लंबा बेरा तक मुख्यमंत्री के कुर्सी  म बइठया सख्सियत हे।  एक इटरव्यू में उमन ह एंटी इंकंबेंसी ले लेके सतनामी संप्रदाय के सवाल मन उपर जवाब दिस। ये बेर चुनाव के चुनउती के बारे म पूछे  गिस त रमन सिंह  ह अपन जवाब चिरपरिचित सांत सैली म दीस। उमन के कहिना हे के “हर चुनाव चुनउती  होथे अउ हर चुनाव अलग घलो। बीते 15 बछर के दउरान हमन बिना थके लोगन के भलाई बर काम करे हन। मतदाता मन ल हमारा प्रदरसन देखे हे। उम्मीद हे के वो मन  हमार संग बने रहही। प्रचार के दउरान मिले समरथन के बाद अब अतना दबाव नइए।”

कांग्रेस के चुनउती………. मुख्य विपक्षी पारटी कांग्रेस के चुनउती अउ एकता ल लेके घलो रमन सिंह कुछ ससंकित हे। इंटरव्यू म देय  जवाब म उमन कांग्रेस के भीतर के लड़ाई के ओर इसारा करत कहिन के, “कांग्रेस के एकता बस ऊपरी दिखावा हे। पारटी के भीतर मुख्यमंत्री पद के कतना दावेदार हे। नेतृत्व म विभाजन काफी गहरा हे।

सवाल एंटी इंकंबेंसी का……. रमन सिंह 15 बछर ले मुख्यमंत्री हे। जाहिर हे, तीन बार के एंटी-इंकंबेंसी उंखर आघू सबले बड़े खतरा के तउर म हे। ये सवाल म उमन दो टूक म  कहिन के सरकार के खेलाफ कोनो एंटी-इंकंबेंसी नइए। रमन सिंह ह कहिन के ए फैक्टर तब काम करथे, जब आप लोगन के उम्मीद म खरे न उतरव।

सतनामी संप्रदाय के का होही असर…….. भाजपा ह बीते 2013 म अनुसूचित जाति बर आरक्षित 10 म ले 9 सीट मन म कब्जा जमाइस। सतनामी संप्रदाय ह तब निरदलीय उम्मीदवार मन ल मइदान म उतारे रहिस हे, लेकिन ए बखत उमन कांग्रेस के संग हे। का ये भाजपा ल नुकसान पहुंचाही। रमन सिंह मानत हे के चूंकि मइदान म ए संप्रदाय के अनुयायीय मन म अजीत जोगी के घलो अच्छा खास दखल हे,  वो ह कांग्रेस के वोट काटही। उमन लगता हे के  2013 म करीब 4 फीसदी वोट लेवइया बसपा अउ जोगी के गठबंधन  ए दफा 5 ले 6 फीसदी वोट  खींच पाही।  एखर संग कुछु बागी भाजपा उम्मीदवार मन के उतरे के बावजूद सतनामी संप्रदाय भाजपा के मुकाबला कांग्रेस ले जादा नुकसान पहुंचाही।