जोगी कांग्रेस ल बड़ झटका….जिलाध्यक्छ समेत 50 कारयकरता मन भाजपा के दामन थामिस

कवर्धा। मुख्यमंत्री रमन सिंह अउ रेल -कोयला मंत्री पीयूष गोयल आज कबीरधाम जिला के मुख्यालय कवर्धा के स्वामी करपात्री आउटडोर स्टेडियम म आयोजित समारोह म ‘कटघोरा-मुंगेली-कवर्धा-डोंगरगढ़’ रेल लाइन परियोजना के शिलान्यास रखिस हे। उहें आज जोगी कांग्रेस ल बड़ झटका लगिस हे।
जनता कांग्रेस छत्तीसगढ़ के सहर जिलाध्यक्छ हिफजूल खान अउ सहर अध्यक्छ सोनू चावला समेत जोगी कांग्रेस के 50 कारयकरता मन ह भाजपा के दामन थाम लिस । मुख्यमंत्री रमन सिंह अउ केंद्रीय रेलमंत्री पीयूष गोयल के उपस्थिति म मंच म सबो झ भाजपा म सामिल होइन हे। ये नेता मन के कहिना हे के मुख्यमंत्री रमन सिंह के विकास कारय मन ले प्रभावित होके उमन बीजेपी ले जुड़े हन।