जोगी ह मिलाइस मायावती ले हाथ… 55-35 विधानसभा सीट म लड़ही चुनाई

रायपुर/नई दिल्ली। छत्तीसगढ़ विधानसभा चुनाव 2018 बर जनता कांग्रेस छत्तीसगढ़ के सुप्रीमो अउ पूरव मुख्यमंत्री अजीत जोगी के पार्टी ह बहुजन समाज के संग चुनाई गठबंधन ल गुरुवार के अंतिम रूप दे दिस हे।
जोगी कांग्रेस परदेस के 55 विधानसभा अउ बसपा 35 सीट मन म चुनाई लड़ही। बता दन के येखर पहिलि अपन इलाज कराय बर दिल्ली पहुंचे जोगी ह कुछु महीना पहिली विधानसभा चुनाइ गठबंधन ल लेके बसपा सुप्रीमो मायावती ले मुलाकात करे रिहिस हे, लेकिन ओ बेरा म बसपा ह गठबंधन म कोनो रूचिज्जो नहीं दिखाइस। तब जोगी ह ये मुलाकात ल औपचारिक बताके गठबंधन के खबर ल सिरा ले खारिज कर दिस। आज लखनउ म होय बइठक म दूनों पार्टी ह गठबंधन म मुहर लगा दीस। गठबंधन ले जोगी कांग्रेस अउ बसपा के मजबूत होही, उहें येखर नुकसान कांग्रेस के संग भाजपा ल उठाना पड़ही।